Sabah güclü yağış yağacaq - çətirsiz evdən çıxmayın

31 Mart, 2020 13:23 | Sosial | Baxış sayı: 81
Yağışlı hava
Yağışlı hava

Bəzi yerlərdə qar da gözlənilir

Aprelin ilk günü ölkə ərazisində yağışlı hava gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə, aprelin 1-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecəyə doğru bəzi yerlərdə yağış yağacağı ehtimalı var. Səhər duman olacaq. Mülayim cənub küləyi əsəcək.

Havanın temperaturu  Abşeron yarımadasında gecə 8-11, gündüz 14-19, Bakıda  gecə 9-11, gündüz 16-18 dərəcə isti olacaq.

Aprelin 1-də Azərbaycanın rayonlarında havanın əsasən yağmursuz keçəcəyi,  lakin gündüzdən başlayaraq arabir  yağış yağacağı gözlənilir.  Bəzi yerlərdə intensiv olacağı, dağlıq ərazilərdə qar yağacağı ehtimalı var. Gecə və səhər  saatlarında  duman olacaq, şərq küləyi əsəcək. 

Havanın temperaturu  gecə 7-11, gündüz 16-21, dağlarda gecə 0-4, gündüz 4-8 dərəcə isti olacaq.