Azərbaycanda görünməmiş külək: hasarlar və evlər uçur - FOTO

25 Dekabr, 2017 18:14 | Sosial | Baxış sayı: 472
Göyçayda külək
Göyçayda külək

Güclü külək hələ də davam edir

Göyçay rayonunda bu gün səhər saatlarından başlayaraq əsən güclü külək ayrı-ayrı təsərrüfat sahələrinə ciddi ziyan vurub.

İstiPress-in məlumatına görə, güclü külək bir çox yerdə ağacları və rabitə dirəklərini aşırıb, naqilləri qıraraq sıradan çıxarıb. Həmçinin şəhərin bir neçə küçəsində iri gövdəli ağaclar yaşayış evlərinin, yardımçı tikililərin üzərinə düşüb, hasar və evlərin divarları dağılıb. Külək rayon ərazisində fərdi yaşayış evlərinin, beşmərtəbəli yaşayış binasının, Göyçay Dövlət İdarəetmə və Texnologiya Kollecinin dam örtüyünü qoparıb.

Yeddi ədəd beş və üç mərtəbəli yaşayış binasının dam örtüyü qopub, bir mink avtomobili əzilib.

Rayon Elektrik Şəbəkəsindən APA-nın yerli bürosuna verilən məlumata görə, küləyin təsiri nəticəsində Göyçay şəhərinin 3 ayrı-ayrı ərazisində, eləcə də kəndlərdə elektrik xətlərində problem yaranıb.

Hazırda rayon ərazisində 3-10 Kv.lıq, 3 kənddə isə hər birində 1 ədəd 10 Kv.lıq xətlər qırılıb və 6 elektrik dirəyi aşıb. Bu səbəbdən rayon üzrə elektrik verilişi tamamilə dayanıb.

Güclü külək hələ də davam edir.

Hazırda rayonda elektrik və rabitə xətlərinin bərpası üçün tədbirlər görülür, evlərin üstünə və küçələrə yıxılan ağaclar kəsilərək ərazidən götürülür. Rayon fövqəladə hallar komissiyasının nümayəndələri küləyin təsiri nəticəsində ziyan çəkən ərazilərə baxış keçirir və lazımi tədbirlər görülür.

Göyçayda külək
Göyçayda külək