Çindən Türkiyəyə 50 min koronavirus test cihazı gətirildi

24 Mart, 2020 14:09 | Sosial | Baxış sayı: 70

Hökumət səhiyyə sisteminə 32 min nəfərin işə qəbul olunmasını təmin edib

Türkiyədə koronavirus infeksiyası ilə bağlı vəziyyət dövlətin tam nəzarətindədir. İnsanların qəbul edilən qərarlara əməl etmələri tədbirlərin nəticələrini yaxşılaşdırır. “Zərurət olmadıqda evdən çıxmamaq” çağırışına əməl edilməsi əhalinin hökumətə ən böyük dəstəyidir.

İstiPress-in məlumatına görə, bunları Türkiyənin Səhiyyə naziri Fahrettin Koca deyib.

Nazir bildirib ki, hökumət səhiyyə sisteminə 32 min nəfərin işə qəbul olunmasını təmin edib. Virusun daha tez müəyyən edilməsi üçün Çindən 50 min cihaz gətirilib. Bundan başqa, Türkiyə qoruyucu maska, müxtəlif preparatlar və cihazların istehsalı üçün önəmli addımlar atıb.

Qeyd edək ki, Türkiyədə koronavirusdan 37 nəfər dünyasını dəyişib.