Ukraynalı turist qadın Bakıda gözəllik salonunda yandı

23 May, 2019 16:44 | Sosial | Baxış sayı: 138

Yaralı Respublika Yanıq Mərkəzinə yerləşdirilib

Bakıda ukraynalı turist qadın yanıb.

İstiPress-in məlumatına görə, hadisə paytaxtın Səbail rayonu ərazisində baş verib.

Azərbaycana turist kimi gələn Ukrayna vətəndaşı Sikorsko Alla Fraçovna paytaxtın Səbail rayonu, Puşkin küçəsi, ev 10 ünvanında yerləşən "Megasun Solarium Studio" gözəllik salonunda seans zamanı boynun ön səthi, sinəsi, hər iki yuxarı və aşağı ətrafının 1-ci və ikinci dərəcəli yanıq xəsarətləri alıb.

Yaralı Respublika Yanıq Mərkəzinə yerləşdirilib.

Faktla bağlı araşdırma aparılır.