Bakıda bu xəttin də avtobusları dəyişdi

21 Sentyabr, 2019 13:15 | Sosial | Baxış sayı: 117
Avtobuslar
Avtobuslar

Avtobusdan əlillər və uşaq arabası olanlar da rahat istifadə edə biləcək

Bakıda daha bir xəttin avtobusları dəyişib. Bu gündən 39 nömrəli müntəzəm marşrut üzrə sərnişinlərə müasir "İsuzu" markalı avtobuslarla xidmət göstəriləcək.

Bakı Nəqliyyat Agentliyindən (BNA)  verilən məlumata görə, xətt üzrə sərnişindaşıma fəaliyyəti göstərən “Kral Tranport” MMC tərəfindən 10 ədəd yeni sərnişin avtobusları gətirilib.

“İsuzu Citibus” markalı avtobuslar "Avro 5" standartlarına cavab verməklə yanaşı, sərnişinlərə göstərilən xidmətin keyfiyyətinin artırılmasına imkan verir. Yeni avtobuslardan fiziki imkanları məhdud şəxslər, eləcə də uşaq arabası ilə olan sərnişinlər rahat istifadə edə biləcək. Bunun üçün avtobuslarda xüsusi mexanizm quraşdırılıb.

Qeyd edək ki, avtobus parkının yenilənməsi işləri çərçivəsində ölkə başçısının müvafiq sərəncamına əsasən, paytaxta 300 nəqliyyat vasitəsi gətiriləcək. Artıq avtobusların müəyyən hissəsi Bakı şəhərindədir. Gətirilən avtobusların 20 ədədi 18 metrlik olacaq.