Fəhlə iş yerində yıxılıb öldü

18 Sentyabr, 2020 11:50 | Sosial | Baxış sayı: 53
Tikintidə fəhlə faciəsi
Tikintidə fəhlə faciəsi

Sentyabrın 17-də Hacıqabul rayonunun Atbulaq kənd sakini İlkin Baxşaliyevin fəhlə işlədiyi “Green house” MMC-nin giriş hissəsinin dam örtüyünün üzərində təmir işləri ilə məşğul olduğu zaman yıxılaraq xəsarət alması barədə rayon prokurorluğuna məlumat daxil olub. 

İstiPress-in məlumatına görə, Hacıqabul rayon Prokurorluğundan bildirilib ki, prokurorluq işçiləri tərəfindən məhkəmə-tibb ekspertinin iştirakı ilə hadisə yerinə baxış keçirilib, məhkəmə-tibb, məhkəmə-texniki təhlükəsizlik ekspertizaları təyin olunub, hadisə ilə əlaqədar izahatlar alınıb və digər zəruri prosessual hərəkətlər yerinə yetirilib.

Hazırda hadisənin baş vermə səbəbi, şərait və mexanizminin müəyyən edilməsi istiqamətində araşdırmalar davam etdirilir.