Sabah gücləndirilmiş iş rejiminə keçiləcək

17 Oktyabr, 2017 15:05 | Sosial | Baxış sayı: 109
avtobus
avtobus

Bakı Nəqliyyat Agentliyi bəzi qaydalara mütləq şəkildə əməl etməyi tövsiyə edir

Sabah UEFA Çempionlar Liqasının qrup mərhələsi çərçivəsində keçiriləcək "Qarabağ" — "Atletiko Madrid" oyunu ilə əlaqədar Bakı Nəqliyyat Agentliyi (BNA) gücləndirilmiş iş rejimində çalışacaq. Bu barədə İstiPress-ə BNA-nin mətbuat xidmətinin rəhbəri Mais Ağayev məlumat verib.

O bildirib ki, "Koroğlu" Nəqliyyat Mübadilə Mərkəzi, eləcə də digər metrostansiyaların ətrafındakı dayanacaqlarda marşrut xətlərinin faəliyyətinə nəzarət, əlavə canlı qüvvə cəlb edilməklə gücləndiriləcək. Oyundan sonra "Koroğlu" Nəqliyyat Mübadilə Mərkəzindən sərnişinlərin vaxtında, rahat və təhlükəsiz daşınması əvvəlcədən nəzərdə tutulan plana uyğun olaraq təmin ediləcək. "Koroğlu" Nəqliyyat Mübadilə Mərkəzindən şəhər mərkəzi, həmçinin, ətraf kənd və qəsəbələrə xidmət edən 32 marşrut xətti üzrə avtobusların hərəkət intervalı əlavə nəqliyyat vasitələri cəlb edilməklə maksimum dərəcədə azaldılacaq.

Bakı Nəqliyyat Agentliyi "Koroğlu" Nəqliyyat Mübadilə Mərkəzindən istifadə edəcək azarkeşlərə hərəkətin təhlükəsizliyi ilə bağlı bəzi qaydalara mütləq şəkildə əməl etməyi tövsiyə edir.