İki azərbaycanlı “donuz qripi”nə yoluxdu

17 Yanvar, 2019 17:03 | Sosial | Baxış sayı: 294
Qrip
Qrip

Qadının vəziyyəti orta-ağır, uşağın durumu isə ağır kimi qiymətləndirilir

Gürcüstanda azərbaycanlıların sıx yaşadığı Marneuli rayonunda “donuz qripi”nə 4 yoluxma halı qeydə alınıb.

İstiPress Report-a istinadən xəbər verir ki, xəstəliyə yoluxanların ikisi azərbaycanlıdır.

Onlardan biri 39 yaşlı qadın, digəri isə 5 yaşlı uşaqdır. Həkimlər qadının vəziyyətini orta-ağır, uşağın durumunu isə ağır kimi qiymətləndirirlər. 

Xatırladaq ki, Gürcüstanda bu günə qədər “donuz qripi” adlandırılan A (H1N1) virusundan 17 nəfər ölüb.