Zavodda yıxılan fəhlə öldü

16 İyul, 2019 16:55 | Sosial | Baxış sayı: 96
Təcili yardım maşını
Təcili yardım maşını

Xəstəxanaya yerləşdirilib, lakin onu xilas etmək mümkün olmayıb

Gəncə şəhərində zavodda işləyən fəhlənin yıxılaraq ölməsi hadisəsi ilə bağlı cinayət işi başlanılıb.

İstiPress-ə Gəncə şəhər prokurorluğundan verilən məlumata görə, iyulun 12-də saat 20 radələrində Gəncə şəhər Çini qablar zavodunun ərazisində yerləşən metal əritmə sexində işləyən Əsədov Nicat Fizuli oğlu yıxılıb xəsarət alaraq Gəncə şəhər Təcili Tibbi Yardım Xəstəxanasına yerləşdirilib. Lakin onu xilas etmək mümkün olmayıb.

Prokurorluq və polis əməkdaşlarının iştirakı ilə hadisə yerinə baxış keçirilib, eləcə də digər zəruri prosessual hərəkətlər yerinə yetirilib.