Bakı Metropolitenindən Bilik Günü ilə bağlı qərar

13 Sentyabr, 2017 15:56 | Sosial | Baxış sayı: 119
Məktəb yarmarkası
Məktəb yarmarkası

Görüş zamanı balaca məktəblilərə hədiyyələr təqdim ediləcək

"Bakı Metropoliteni" Qapalı Səhmdar Cəmiyyəti 15 sentyabr - Bilik Günü ilə əlaqədar daha bir sosial layihə həyata keçirəcək.

Qurumun mətbuat xidmətinin rəhbəri Nəsimi Paşayev İstiPress-ə açıqlamasında bildirib ki, sentyabrın 15-də metropoliten əməkdaşları məktəblilərlə görüşəcək. Görüş zamanı balaca məktəblilərə hədiyyələr təqdim ediləcək.

Metropoliten rəsmisi deyib: "Görüş sentyabrın 15-də səhər saat 11:00-da metronun "28 may" stansiyasından başlanacaq. Metropoliten əməkdaşları həmin gün əksər metro stansiyalarında olacaq və balaca məktəbliləri sevindirəcək".