Azərbaycanda müəllimlərə bu qadağa qoyuldu

07 Sentyabr, 2017 15:12 | Sosial | Baxış sayı: 524
Xarici dil dərsi keçən müəllim
Xarici dil dərsi keçən müəllim

Zaqatala və Balakəndə müəllimlərə bəzək əşyalarından istifadəyə məhdudiyyət qoyulub

Balakən rayon Təhsil Şöbəsi rayonda çalışan müəllimlərə vahid geyim forması tələbi qoyulması ilə bağlı yayılan xəbərlərə münasibət bildirib. İstiPress məlumat verir ki, Təhsil Şöbəsindən APA-ya verilən xəbərə görə, ötən gün bəzi kütləvi informasiya vasitələrində Zaqatala və Balakən rayonlarındakı ümumtəhsil məktəblərində müəllimlərə vahid geyim forması tələbi qoyulması barədə məlumat yer alıb. Məlumatda qeyd olunub ki, tələbə əməl etməyənlər dərsə buraxılmayacaq.

Bununla bağlı bildirilib ki, bu məlumat tamamilə yanlışdır, heç bir məktəbə belə tələb qoyulmayıb. Direktorların və müəllimlərin iclasında müəllimlərin geyimlərinin vahid formada deyil, pedaqoji fəaliyyətə uyğun olması barədə tapşırıq verilib, şagirdlərin fikrini yayındırdığına görə bəzək əşyalarından istifadəyə məhdudiyyət qoyulub.