Bakıda 9 avtobus yolunu dəyişdi SİYAHI

07 Mart, 2020 09:45 | Sosial | Baxış sayı: 94
"BakuBus"
"BakuBus"

Məhdudiyyətə səbəb dəmir yolu körpüsünün sökülməsidir

Nəsimi rayonu 28 May küçəsində mövcud dəmir yolu körpüsünün sökülməsi ilə əlaqədar avtomobillərin hərəkəti sözügedən küçənin Yusif Səfərov və Kövkəb Səfərəliyeva küçələri arasında yerləşən hissəsi ilə hərəkəti məhdudlaşdırıldığından bəzi müntəzəm marşrut xətləri üzrə avtobusların hərəkət sxemi də dəyişdirilib.

Bakı Nəqliyyat Agentliyindən (BNA) verilən məlumata görə, 9 avtobususn xəttində dəyişiklik edilib.

Məlumata görə, 1, 2, 4, 21, 30, 32, 46, 49 və 175 nömrəli marşrutların hərəkət istiqamətləri müvəqqəti dəyişdirilərək alternativ küçələrdən, yəni Üzeyir Hacıbəyov, Kövkəb Səfərəliyev və Puşkin küçələri ilə təşkil ediləcək.

Söküntü işlərinin martın 7-dən 8-nə keçən gecədən etibarən ayın 9-u axşam saatlarına qədər aparılması nəzərdə tutulub.