Tanınmış azərbaycanlı prodüser ziyarətdə öldü

06 Noyabr, 2017 16:42 | Sosial | Baxış sayı: 572
Nəcəf, Həzrət Əlinin türbəsi
Nəcəf, Həzrət Əlinin türbəsi

İraqın Nəcəf şəhərinə Ərbəin ziyarətinə gedən azərbaycanlı zəvvarlardan daha bir nəfəri dünyasını dəyişib.
 
İstiPress APA-ya istinadən xəbər verir ki, Göyçay rayon sakini, 1972-ci il təvəllüdlü Ağakişiyev Fikrət Abdulxaliq oğlunun ötən gün ziyarət zamanı qəflətən halı pisləşib və o, ürəktutmadan vəfat edib.

Fikrət Ağakişiyev - Nəcəfdə dünyasını dəyişmiş prodüser
Fikrət Ağakişiyev - Nəcəfdə dünyasını dəyişmiş prodüser

Ailə üzvlərinin razılığı ilə mərhum ötən gecə azərbaycanlı zəvvarların müşayiəti ilə dünyanın ən böyük qəbiristanlığı hesab edilən Nəcəf şəhərinin Vadi-əs-Salam məzarlığında dəfn edilib.

Göyçayda tanınan şəxs olan Fikrət Ağakişiyev Bakıda uzun illər bir neçə tanınmış müğənninin prodüseri, eləcə də şoumen kimi çalışıb.
 
Qeyd edək ki, İraqı ziyarət edən azərbaycanlı zəvvar, Yardımlı rayon sakini Rauf Həbullah oğlu Musayev də noyabrın 4-də dünyasını dəyişib.