Azərbaycanda 300 minə yaxın nikahdankənar uşaq doğulub

04 Avqust, 2019 16:31 | Sosial | Baxış sayı: 66
Körpə
Körpə

Qızlarla müqayisədə oğlan uşaqlarının sayı daha çoxdur

Azərbaycanda son 12 ildə nikahdankənar 283 min 420 uşaq doğulub.

İstiPress-in məlumatına görə, bu barədə Dövlət Statistika Komitəsindən bildiriblər. Rəqəmlər 1907-ci ildən etibarən nikahdankənar doğulan uşaqların sayı ilə bağlı illər üzrə təqdim olunub.

Maraqlıdır ki, belə uşaqların ümumi statistikasında, qızlarla müqayisədə oğlan uşaqlarının sayı daha çoxdur. Bu tendensiya son 3 ilin statistikasında daha qabarıq nəzərə çarpır. Belə ki, 2016-cı ildə rəsmi qeydə alınmamış nikahdan doğulan 26 min 288 uşaqdan 13 min 767-si oğlan, 12 min 521-i qız olub. 2017-ci ildə doğulan 22 min 796 belə uşaqdan 11 min 796-nı oğlanlar, 11 minini qızlar təşkil edib. 2018-ci ildə isə doğulan 20 min 716 belə uşaqdan 10 min 777-si oğlan, 9 min 939-u qız olub.