Bakı səmasında toz dumanı

02 İyul, 2018 14:41 | Sosial | Baxış sayı: 87
Toz dumanı
Toz dumanı

Bakıda havanın tozlu olmasının səbəbi açıqlanıb.

IstiPress-in məlumatına görə, Ekologiya və Təbii Sərvətlər Nazirliyi (ETSN) Ətraf Mühit üzrə Milli Monitorinq Departamentinin direktor müavini Mətanət Avazova bildirib ki, Bakı və Abşeron yarımadasında bu gün səhər saatlarında müşahidə olunan tozlu hava şəraiti lokal xarakter daşıyır.

Onun sözlərinə görə, səhər saatlarında ölkə ərazisinə daxil olan güclü (18-25 m/san) şimal-qərb küləyi nəticəsində ölkə ərazisində lokal tozlanma müşahidə edilib: "Dünən ölkədə son 120 ilin ən yüksək temperaturu qeydə alınıb. Ümumilikdə son dövrlər Bakı və Abşeron yarımadasına yağış yağmaması, temperaturun yüksək olması, quraq hava şəraitinin müşahidə olunması lokal tozun əmələ gəlməsinə səbəb olub".