Bakıda ermənipərəst saytın rəhbəri saxlanıldı

30 May, 2018 17:36 | Siyasət | Baxış sayı: 435
Bəhruz İmanqulu oğlu Əliyev
Bəhruz İmanqulu oğlu Əliyev

Haqqinaz.org həm də reketliklə və şantajla məşğul imiş

Baş prokuror yanında Korrupsiyaya Qarşı Mübarizə Baş İdarəsi jurnalist adı altında reketliklə və şantajla məşğul olan Bəhruz İmanqulu oğlu Əliyevi həbs edib. 

İstiPress-in məlumatına görə Bəhruz Əliyev “Neytral İnformasiya Agentliyi” (NİA) təsis edib, orada sifarişli materiallar dərc olunub. Sonra Bəhruz Əliyev müxtəlif məmurları və biznesmenləri barələrində ləkələyici məlumatlar yaymaqla hədələyərək onlardan iri məbləğlərdə pul alıb.

Araşdırma zamanı məlum olub ki, Bəhruz Əliyev habelə "haqqinaz.org" adlı feyk internet resursunun sahibidir. Həmin resursda Azərbaycanda və xaricdə populyar olan "haqqin.az" informasiya-analitik portalının dizaynı və domen adı “kopyalanıb”.

Bundan əvvəl haqqinaz.com saytının mövcudluğu məlum idi və orada Azərbaycan rəhbərliyinə qarşı erməniyönümlü yazılar dərc olunurdu. Haqqin.az-ın redaksiyası belə feysk resursun olmasından xəbərdar idi, amma güman edirdi ki, resursun arxasında erməni xüsusi xidmət orqanları dayanıb. İndi isə haqqinaz.org adlı feyk resurs meydana çıxıb, bizə məlum olduğuna görə hər iki feyk resurs bir-biri ilə əlaqəlidir.

İP-üvanlar üzərindən aparılan araşdırma zamanı həmin saytın arxasından azərbaycanlı reket-jurnalist çıxıb. Haqqin.az saytının redaksiyası hüquq-mühafizə orqanlarının bu məsələyə aydınlıq gətirəcəyinə ümid edir. /Virtualaz.org/