Deputatların koronavirus testlərinin cavabı bilindi

28 Mart, 2020 11:44 | Siyasət | Baxış sayı: 186
Azərbaycan Milli Məclisi
Azərbaycan Milli Məclisi

Martın 30-da Milli Məclisin növbəti plenar iclası keçiriləcək

Milli Məclisin deputatları və əməkdaşlarının koronavirus infeksiyası ilə bağlı növbəti dəfə tibbi müayinədən keçməsi tam başa çatıb.

Müayinədən keçən 121 deputatın və parlamentin digər işçilərinin heç birində koronavirusun əlamətləri aşkarlanmayıb.

Həmçinin koronavirus təhlükəsinə görə parlamentin girişində termovizor qurğusu quraşdırılıb. Məqsəd Milli Məclisə daxil olan bütün şəxslərin, o cümlədən deputatların hərarətinin yoxlanılmasıdır.

Qeyd edək ki, martın 30-da Milli Məclisin növbəti plenar iclası keçiriləcək. İclasda parlamentin plenar iclaslarının onlayn şəkildə keçirilməsinin mümkünlüyü müzakirə olunacaq.