İrəvanda ikinci Sumqayıt qoxusu

28 Fevral, 2020 16:15 | Siyasət | Baxış sayı: 1150
Sumqayıtlı erməni qızı Mejlumyan onu zorlamış erməni Qriqoryanı göstərir
Sumqayıtlı erməni qızı Mejlumyan onu zorlamış erməni Qriqoryanı göstərir

Ermənistanı Rusiyadakı səfiri Kremldən yardım istəyib

“Nezavisimaya qazeta”da dərc olunmuş “Sumqayıt faciəsi. Nədən başladı və necə baş verdi” adlı məqalə Ermənistanın diplomatik və diaspora dairələrini təşvişə salıb.

İstiPress-in məlumatına görə, Ermənistanın Rusiyadakı səfiri Vardan Toqanyan öz diplomatik resurslarından istifadə edərək qəzeti məhkəməyə verəcəyini bildirib. “Qovorit  Moskva” portalına müsahibə verən Toqanyan artıq Rusiya Baş Prokurorluğuna müraciət edərək qəzetə qarşı milli ədavət törətməklə bağlı cinaət işi başlamağı tələb edib.  Daha öncə, Rusiya Erməniləri Birliyi qəzetdən təkzib tələb etmşidi.  

Vardan Toqanyan isə qəzetdən təkzib tələb etmək niyyətində deyil. Məqalənin xüsusi xidmət orqanının,  konkret olaraq KQB-nin (SSRİ Dövlət Təhlükəsizliyi Komitəsinin) arxiv materialları əsasında hazırlandığını nəzərə alan erməni səfir bu cür materialların nə dərəcədə dəqiq olmasını deməyin çətin olduğunu iddia edib. Yəni təkzib etməyib, sadəcə, bu cür materilların Rusiyada ermənilərə qarşı nifrət oyatdığını deyib.

“Nezavisimaya qazeta”nın məqaləsində isə giriş KQB-nin Azərbaycan bölməsinin milliyyətcə gürcü olan əks kəşfiyyat polkovniki Tomaz Kariçadzenin  KQB-nin rəhbəri Vladimir Semiçatnıya 1963-cü ildə etdiyi məruzəsindən bəhs edilir. Yəni yetərincə ciddi mənbədir. Karçadze öz məruzəsində mərkəzi Eçmiadzində yerləşən erməni qriqoryan kilsəsinin nümayəndələrinin Bakıda və Xənkəndidə (Stepanakert) millətçilik yaydığını və pul topladıqlarını yazır. O, keşişlərin moizələrində satqın erməniləri öldürüb, bunu azərbaycanlıların adına yazmağa çağırdığını da qeyd edib. Onun yazdığına görə, kilsənin çoxdan topladığı ianələrə Şaumyan və Mikoyan kimi boşevik liderlərin də pul verib. Onun fikrincə, ermənilər həmin pulu Qara dənizlə Xəzərin arasında Rostova qədər uzanan böyük Ermənistan qurmağı arzulayırlar.  Məktubun nəticəsində Mikoyanın adamları Kariçadzeni tələsik pensiyaya yolayırlar.

Sumqayıt hadisələri
Sumqayıt hadisələri

Daha sonra məqalədə 1988-ci ilin 26-28 fevral günlərində Sumqayıt hadisələrinin necə başladığı qeyd edilir - milliyyətcə erməni Edik Qriqoryanın və onun vəzifəli qohumu - erməni Əkbər Balayevin özlərini azərbaycanlı kimi təqdim edərək talanlara rəhbərlik etmələrindən bəhs edir. Özünü İbrahim kimi təqdim edən Edik Qriqoryan İrəvanda azərbaycanlıların kütləvi qətl edilməsi ilə bağlı saxta şəkillər yayıb camaatı ermənilərdən qisas almağa çağırırmış. Şəhərdə “Kimyaçı” idman cəmiyətinin rəhbəri olan Əkbər Balayev də ona dəstək verirmiş.

Kütləvi iğtişaşa səbəb olmuş Qriqoryanın erməni Qriqori Mejlumyanın evinə hücum etdiyini, onu və arvadı Roza Mejlumyanı döydüyünü, qızları Lüdmila və Karinanı zorladığı da qeyd edilir. Qriqoryanın qurbanları arasında Anjela Petrosyan, Emma Qriqoryan və başqaları da olub.  Məqalədə o da bildirilir ki, bütün bunlar sadəcə Qarabağı Azərbaycanın nəzarətindən çıxarmağa xidmət edirdi.

Təbii ki, məqalə ermənilərin Rostova qədər böyük Ermənistan qurmaq xəyalının detalların açır və rusları Şimal Qafqaz regionunda ayıq olmağa çağırır. Erməniləri məhz bu təşvişə salır və ikinci Sumqayıtın onlar üçün çox ağır nəticələr gətirə biləcəyini anlayırlır. Çünki bilirlər ki, bu dəfə kütlənin önündə Qriqoyanlar yox, rus neo-faşistələri gedəcək və dünyanı ermənilərin başına dar edəcəklər.