Bakıda NATO-nun təlim kursları keçirilib

27 Sentyabr, 2018 16:17 | Siyasət | Baxış sayı: 29
NATO təlim kursu
NATO təlim kursu

Kurs mobil təlim qrupları tərəfindən təşkil edilib

Bakıda “NATO-nun əməliyyatların qiymətləndirilməsi” və “NATO-da təhlil və təcrübələrin öyrənilməsi” mövzularında təlim kursları təşkil olunub. Kurslar Müdafiə Nazirliyinin NATO ilə 2018-ci il üçün Fərdi Tərəfdaşlıq üzrə Əməkdaşlıq Proqramına əsasən, Şimali Atlantika Alyansının Brunssumda yerləşən Birləşmiş Qüvvələr Komandanlığının və Portuqaliyada yerləşən Birləşmiş Təhlil və Təcrübələrin Öyrənilməsi Mərkəzinin mobil təlim qrupları tərəfindən keçirilib. 

Kurslar müddətində NATO-nun nümayəndələri tərəfindən dinləyicilərə NATO-da əməliyyatların qiymətləndirilməsi, əməliyyatların qiymətləndirilməsinin və planlanmasının nəzəriyyəsi, Alyansda təcrübələrin toplanması və əməliyyat planı, əməliyyatlar zamanı təcrübələrin toplanması, analiz metodları, təcrübələrin öyrənilməsi prosesində qiymətləndirmə və digər mövzular barədə məlumatlar verilərək sindikatlar keçirilib.