Putin nazirləri ilə iclasda qələmini masaya çırpdı - VİDEO

27 May, 2020 12:23 | Siyasət | Baxış sayı: 231
Putin qelemi atir
Putin qelemi atir

5626 yanğın hadisəsi baş verib

Rusiya prezidenti Putin ölkənin şərqindəki meşə yanğınları və daşqınlarla mübarizənin müzakirə olunduğu iclasda qələmini masaya çırpıb.

İstiPress-in "Sputnik"ə istinadən məlumatına görə,  Vladimir Putin nazirləri ilə keçirdiyi iclasda  insanların təbii fəlakətlər səbəbindən həyati təhlükələrlə qarşılaşdıqlarını və çox sayda insanın evsiz qaldığını xatırladıb. Bu zaman ölkə başçısı əlindəki qələmi masanın üstünə çırpıb.

Video konfrans formatında ə keçirilən iclasda fövqəladə hallar naziri Yevgeni Zinçev, nəqliyyat naziri Yevgeni Ditrix, ekologiya naziri Dmitri Kobilkin və bəzi bölgələrin qubernatorları iştirak ediblər.

Fövqəladə hallar naziri Zinçev yanvar ayından bəri ölkədə ümumi 852 min hektar meşə sahəsindəki 5626 yanğın hadisəsinin baş verdiyini bildirib.

Yanğınlar nəticəsində 251 evin yandığını deyən Zinçev, 13 bölgədə 491 evin, 461 bağçanın, 14 körpünün və 9 magistral yolun su altında qaldığını söyləyib.