Rüfət Aslanlının Azərbaycandan çıxışına qadağa qoyuldu

26 Dekabr, 2018 20:15 | Siyasət | Baxış sayı: 139
Rüfət Aslanlı - Maliyyə Bazarlarına Nəzarət Palatasının Direktorlar Şurasının keçmiş sədri
Rüfət Aslanlı - Maliyyə Bazarlarına Nəzarət Palatasının Direktorlar Şurasının keçmiş sədri

Rüfət Aslanlı Yaponiyaya uçmağa hazırlaşırmış

Maliyyə Bazarlarına Nəzarət Palatası Direktorlar Şurasının keçmiş sədri Rüfət Aslanlının Azərbaycanın hüdudlarını tərk etməsinə qadağa qoyulub.

İstiPress-in məlumatına görə, etibarlı mənbələrdən "Virtualaz.org"a məlum olub ki, keçmiş məmur Bakı aeroportunda sənədlərin yoxlanılması üçün saxlanılıb. Rüfət Aslanlı Yaponiyaya uçmağa hazırlaşırmış.

Keçmiş məmura xəbərdarlıq edilib ki, onun Azərbaycanın hüdudlarından kənara çıxmasına qadağa qoyulub. Qadağanın səbəbləri hələlik məlum deyil.

Qeyd edək ki, Rüfət Aslanlının adı dəfələrlə müxtəlif korrupsiya qalmaqallarında iştirakda hallanıb. Daha əvvəl KİV keçmiş məmura aid olan bahalı saat və avtomobil kolleksiyaları haqda yazırdı. Rüfət Aslanlı həmçinin Fransada şəxsi üzümlük sahələrinə malikdir və orada öz adını daşıyan şərab buraxır.