Ermənistanın könüllülərdən tələbi: “Azərbaycan dilində bilməlisən”

26 Oktyabr, 2020 16:20 | Siyasət | Baxış sayı: 89

Erməni Vahid Məlumat Mərkəzi könüllülərin seçimi barədə məlumat yayıb.

İstiPress-in məlumatına görə, bunun üçün bir sıra tələblər irəli sürülüb.

Maraqlı burasındadır ki, könüllü işləmək istəyənlərdən Azərbaycan dilini bilmək də tələb olunur. Belə ki, könüllər rus, ingilis və Azərbaycan dillərini yazılı şəkildə bilməlidir.

Həmçinin, Azərbaycan dilində sərbəst şəkildə bilən mütəxəssislərə ehtiyac olduğu bildirilib. Erməni könüllərdən xarici KİV-ləri izləmək, “Facebook”, “Instagram”, “Telegram”, “VKontakte” və “Odnoklassniki” kimi sosial şəbələrdə işləmək bacarığı da tələb olunur. Könüllülər hər gün saat 12:00-dan 18:00-dək iş başında olmalıdırlar.

Əslində, ermənilərin Azərbaycan dilini bilən könüllülərə ehtiyac duymasının səbəbi bəllidir. Onlar bununla da azərbaycanca sosial şəbəkələrdə dezinformasiya, saxta xəbərlər tirajlamağa çalışırlar.