Orduda şəxsi heyətin döyüş hazırlığı yoxlanıb

26 Oktyabr, 2018 19:55 | Siyasət | Baxış sayı: 53
Mod
Mod

Müdafiə nazirinin şəxsi heyət üzrə müavini cəbhəboyu zonada yerləşən bölmələrdə olub

Müdafiə nazirinin tapşırığına əsasən müdafiə nazirinin şəxsi heyət üzrə müavini - Şəxsi Heyət Baş İdarəsinin rəisi, general-leytenant Kərim Vəliyev cəbhəboyu zonada yerləşən bölmələrdə şəxsi heyətin döyüş hazırlığı və mənəvi-psixoloji vəziyyətini yoxlayıb.

İstiPress-ə Müdafiə Nazirliyinin mətbuat xidmətindən bildiriblər ki, döyüş növbətçiliyi aparan bölmələrdə olan nazir müavini Prezident, Silahlı Qüvvələrin Ali Baş Komandanı İlham Əliyev və Müdafiə Nazirliyi rəhbərliyinin hərbi qulluqçular qarşısında qoyduğu vəzifələri bir daha şəxsi heyətə çatdırıb.

Şəxsi heyətlə görüşən general-leytenant K.Vəliyev hərbi qulluqçuların qayğıları və sosial-məişət şəraiti ilə maraqlanıb, onları maraqlandıran sualları cavablandırıb.