Ali Məhkəmə Meydan TV ilə bağlı qərarı ləğv etdi

26 Sentyabr, 2019 17:35 | Siyasət | Baxış sayı: 130
Məhkəmə zalı
Məhkəmə zalı

Saytın bloklanması ilə bağlı qərara da baxılacaq

Ali Məhkəmə Meydan TV-nin saytına blok qoyulmasını nəzərdə tutan qərarı ləğv edib.  Bu barədə hüquqşünas Xalid Ağaliyev məlumat verib. 

Səbail Rayon Məhkəməsi 2017-ci il mayında Nəqliyyat, Rabitə və Yüksək Texnologiyalar Nazirliyinin tələbi ilə Azadlıq qəzeti, Azadlıq Radiosu, Azərbaycan Saatı proqramı, Turan TV-nin və Meydan TV-nin saytının bloklanmasına qərar vermişdi. 

Bakı Apelyasiya Məhkəməsi həmin qərardan verilən şikayəti rədd edib, Apelyasiya Məhkəməsinin qərarından Ali Məhkəməyə kassasiya şikayəti verilmişdi.  

Ali Məhkəmə kassasiya şikayətinə şikayətçinin nümayəndəsi olmadan baxıb. Məhkəmə Apelyasiya Məhkəməsinin qərarını ləğv edib.

Saytın bloklanması ilə bağlı qərara Apelyasiya Məhkəməsi yenidən baxacaq.