Rəcəb Tayyib Ərdoğanın oğlu Gədəbəydədir - FOTO, VİDEO

26 İyul, 2019 18:17 | Siyasət | Baxış sayı: 249
Gədəbəydə Yaylaq Festivalı
Gədəbəydə Yaylaq Festivalı

İnam Kərimovla birgə festivalın rəmzi lentini kəsib

Türkiyə prezidenti Rəcəb Tayyib Ərdoğanın oğlu Bilal Ərdoğan Gədəbəy rayonuna gəlib.

İstiPress-in məlumatına görə, B.Ərdoğan Gədəbəydə keçirilən “Milli Yaylaq Festivalı”nda iştirak edir.

B.Ərdoğan Kənd Təsərrüfatı naziri İnam Kərimovla birgə festivalın rəmzi lentini kəsib.

Xatırladaq ki, Azərbaycanda yaylaq və elat ənənələrinin yaşadılması və təbliği məqsədilə bu gün ilk dəfə olaraq Gədəbəy rayonunda "Milli Yaylaq Festivalı" keçirilir.

Festival Türk Əməkdaşlıq və Koordinasiya Agentliyi (TİKA), “Cavadxan” Tarix və Mədəniyyət Fondu, Gədəbəy Rayon İcra Hakimiyyətinin birgə tərəfdaşlığı ilə təşkil olunur.

Festivalın keçirilməsində Mədəniyyət Nazirliyi, Kənd Təsərrüfatı Nazirliyi, Dövlət Turizm Agentliyi, Kiçik və Orta Biznesin İnkişafı Agentliyi ilə yanaşı, digər dövlət qurumları da tərəfdaşlar sırasındadır.

Gədəbəy rayonunun ərazisində yerləşən Düzyurd–Miskinli yaylağında, unikal konsepsiya əsasında keçirilən Milli Yaylaq Festivalına yerli iştirakçılar və turistlərlə yanaşı, xarici ölkələrdən çoxsaylı fəxri qonaqlar da qatılıb.

Gədəbəydə Yaylaq Festivalının açılışı
Gədəbəydə Yaylaq Festivalının açılışı