Azərbaycan Türkiyəyə kömək üçün danışıqlara başladı

25 Yanvar, 2020 13:13 | Siyasət | Baxış sayı: 69
Elazığ zəlzələsi
Elazığ zəlzələsi

Danışıqlar birbaşa və səfirliklə aparılır

Türkiyədə baş verən zəlzələ ilə əlaqədar yardım göstərilməsi və texniki problemləri həll etmək üçün Azərbaycan rəsmiləri Türkiyədən olan həmkarları ilə danışıqlar aparırlar. Bu barədə məlumat Nazirlər Kabinetindən verilib.

Məsləhətləşmələr müxtəlif səviyyələrdə, həm Türkiyənin Azərbaycandakı səfirliyi vasitəsilə, həm də birbaşa aparılır.

Qeyd edək ki, ötən gün Türkiyənin Elazığ raronunun Sivricə əyalətində 6.8 bal gücündə zəlzələ baş verib. Zəlzələ yerli vaxtla saat 20:55-də qeydə alınıb.

Təbii fəlakət nəticəsində 20-dən çox insan həlak olub, 1500-ə yaxın şəxs yaralanıb. Ölənlər arasında azərbaycanlı yoxdur.