Azərbaycan 23 min hərbçini hazır vəziyyətə gətirdi

19 İyun, 2017 08:33 | Siyasət | Baxış sayı: 361
Naxçıvanda təlim (Arxiv)
Naxçıvanda təlim (Arxiv)

Yüzlərlə tank, reaktiv yaylım atəş sistemi döyüş aviasiyası da cəlb edilib

Silahlı Qüvvələrin genişmiqyaslı əməliyyat-taktiki təlimləri başlayır. Müdafiə Nazirliyindən İstiPress-ə verilən məlumata görə, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin təsdiq etdiyi plana əsasən iyun ayının 19-dan döyüş şəraitinə uyğunlaşdırılmış vəziyyətdə qoşunların döyüşə hazırolma qabiliyyəti, qüvvə və vasitələrin idarə olunmasının təşkili, onların qarşılıqlı fəaliyyətinin yoxlanılması məqsədilə genişmiqyaslı əməliyyat-taktiki təlimləri keçiriləcək.

Təlimlərə 23 min nəfərədək şəxsi heyət, 120-dək tank və zirehli texnika, 180-dək müxtəlif çaplı raket və artilleriya qurğusu, reaktiv yaylım atəş sistemi və minaatan, 30-dək müxtəlif təyinatlı döyüş aviasiyası, eləcə də yeni növ radioelektron kəşfiyyat vasitələri və pilotsuz uçuş aparatları cəlb olunacaq.

Təlimlər iyunun 24-dək davam edəcək.