Polis gücləndirilmiş iş rejiminə keçir

18 Mart, 2020 18:21 | Siyasət | Baxış sayı: 82
Polis
Polis

Vilayət Eyvazov əmr verdi

Ölkəmizdə koronavirus infeksiyasının yayılması hallarının qarşısını almaq məqsədilə Nazirlər Kabineti yanında Operativ Qərargah tərəfindən qəbul edilmiş qərarların icrası ilə əlaqədar daxili işlər orqanlarının da əməkdaşları gücləndirilmiş iş rejimində xidmət edirlər.

İstiPress-ə Daxili İşlər Nazirliyinin Mətbuat Xidmətindən verilən məlumata görə, polisin gücləndirilmiş iş rejimindəki fəaliyyəti Novruz bayramı günlərində də davam etdiriləcək.

Belə ki, Daxili İşlər naziri, general-polkovnik Vilayət Eyvazovun əmri ilə daxili işlər orqanlarının şəxsi heyəti Novruz bayramı günlərində ictimai asayişin daha nümunəvi qorunması məqsədilə mart ayının 20-dən 27-dək gücləndirilmiş rejimdə xidmət edəcəklər.