Nifrət Paşinyanın siyasətinin əsas alətinə çevrilib

Nifrət Ermənistan siyasətinin əsas alətinə çevrilib və bu, ölkədə bir sıra Rusiya telekanallarının bağlanmasında da özünü göstərir. 

İstiPress-in məlumatına görə, bu barədə "Pravda.Ru"nun efirində tanınmış erməni politoloq Arman Boşyan bildirib.

Boşyan bunu qərbin 2018-ci ildən bu yana Ermənistanda apardığı hibrid müharibənin elementi olduğunu bildirib.    

"Ermənistanda 2018-ci ildən bəri qərbyönümlü gündəmi təmsil edən müəyyən bir qrupun hakimiyyəti çox güclənib. Yaxşı olardı ki, bu,  yaşayış səviyyəsinin yaxşılaşmasına, bəzi müsbət dəyişikliklərə səbəb olardı, amma xeyr, bu insanlar nəyisə düzəltmək üçün gəldiklərini belə dilə gətirmirlər. Öz məqsədlərini heç vaxt gizlətmirlər. Onların əsas vəzifəsi bölgədəki siyasi qüvvələr balansını vəzifələrini  dəyişdirmək üçün Rusiyanın bölgədəki təsirini zəiflətməkdir",- deyə Boşyan vurğulayıb. 

Onun fikrincə Rusiya telekanallarını söndürülməsi bu oyundakı manipulyasiyalardan biridir. "Bu, qondarma məxməri inqilabın  qələbəsindən sonra yaranmış Ermənistanda dövlət səviyyəsində anti-Rusiya gündəminin davamıdır".

Boşyan düşünür ki, Paşinyan silah kimi nifrəti seçib: "Nifrət təxribat texnologiyası insanları idarə etməyi asanlaşdırır. Buna görə artıq iki ildir ki, nifrət Ermənistanda demək olar ki, bir dövlət strategiyasına çevrilib".

Onun sözlərinə görə, Paşinyanı dəstəkləməyən, tərifləməyən hər kəsə, bu yeni qondarma gücə, məqsədlərinə və hərəkətlərinə ibadət etməyənlərin hamısına nifrət edirlər.

"Nifrət erməniləri qara və ağa, doğru və yanlışa, qırmızı və bənövşəyiyə və s-ə bölür. Bu sözün həqiqi mənasında dövlət strategiyasıdır",- deyə politoloq vurğulayır.