Azərbaycanın erməni "İsgəndər"inə ilk cavab addımı

16 May, 2018 14:04 | Siyasət | Baxış sayı: 1076
Polonez raketləri - Azərbaycan erməni "İsgəndər"inə qarşı Belarusdan bu silahı almaq niyyətindədir
Polonez raketləri - Azərbaycan erməni "İsgəndər"inə qarşı Belarusdan bu silahı almaq niyyətindədir

Belarusla yeni böyük layihələrin həyata keçirilməsi istiqamətləri müəyyənləşdirilib

Mayın 16-da Azərbaycan Respublikasının Müdafiə naziri general-polkovnik Zakir Həsənov ölkəmizdə səfərdə olan Belarus Respublikası Dövlət Hərbi-Sənaye Komitəsinin sədri general-mayor Oleq Dviqalyovun rəhbərlik etdiyi nümayəndə heyəti ilə görüşüb.

IstiPress-ə Müdafiə Nazirliyindən  verilən məlumata görə, görüşdə iki ölkə arasında hərbi və hərbi-texniki sahədə birgə fəaliyyətin nəticələrindən məmnunluq ifadə edilərək bu sahədə əməkdaşlığın daha da inkişaf etdirilməsinin vacibliyi vurğulanıb.

Nümayəndə heyətləri Belarus hərbi-sənaye kompleksi müəssisələrinin istehsal etdiyi bütün qoşun növləri üçün nəzərdə tutulmuş müxtəlif təyinatlı hərbi məhsulların Azərbaycan Ordusunun silahlanmasına qəbul edilməsini müsbət qiymətləndiriblər.

Tərəflər hərbi-texniki əməkdaşlıq məsələlərinin geniş spektrini müzakirə edərək Azərbaycan Ordusunun döyüş qabiliyyətinin daha da yüksəldilməsinə yönəlmiş yeni böyük layihələrin həyata keçirilməsi istiqamətlərini müəyyənləşdiriblər.