XİN-dən Almaniyadakı miqrantlarla bağlı açıqlama

15 Noyabr, 2019 09:22 | Siyasət | Baxış sayı: 33
Azərbaycan Xarici İşlər Nazirliyi
Azərbaycan Xarici İşlər Nazirliyi

"Onların qeyri-qanuni miqrasiyada şübhəli bilinərək saxlanılması haqda məlumatımız var"

"Almaniyada Azərbaycan vətəndaşlarının sənədlərin saxtalaşdırılması və qeyri-qanuni miqrasiyada şübhəli bilinərək saxlanılması haqda məlumatımız var". Bunu jurnalistlərə açıqlamasında Xarici İşlər Nazirliyinin (XİN) mətbuat katibi Leyla Abdullayeva deyib.

"Təəssüf edirik ki, özlərini “siyasi mühacir” kimi qələmə verən bu şəxslər yuxarıda qeyd olunan fəaliyyətdə şübhəli bilinərək saxlanılıblar. Azərbaycan və Almaniya hüquq-mühafizə orqanları arasında əməkdaşlıq mövcuddur və Almaniya tərəfindən müraciət olduğu təqdirdə bu məsələ də müvafiq şəkildə nəzərdən keçirilə bilər".

Xatırladaq ki, Almaniyanın hüquq-mühafizə orqanları Azərbaycandakı müxalifət partiyalarının fəallarını saxlayıblar. Cinayət qrupunun 7 üzvü tutulub. Yerli federal məhkəmələr cinayətkar dəstənin üzvləri barədə altı ay müddətinə həbs qətimkan tədbiri seçiblər.