Prezident yaradıcılıq ittifaqları və birliklərinə maliyyə vəsaiti ayırdı - SİYAHI

13 Mart, 2019 16:57 | Siyasət | Baxış sayı: 56
Prezident sənəd imzaladı
Prezident sənəd imzaladı

İlham Əliyev sərəncam verdi

Prezident İlham Əliyev "Yaradıcılıq ittifaqları və birliklərinin fəaliyyəti ilə bağlı əlavə tədbirlər haqqında" sərəncam imzalayıb.

İstiPress-in məlumatına görə, sərəncamla Azərbaycan Respublikasının 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Yazıçılar Birliyinə 800 min manat, Azərbaycan Bəstəkarlar İttifaqına 650 min manat, Azərbaycan Rəssamlar İttifaqına 350 min manat, Azərbaycan Respublikası Kinematoqrafçılar İttifaqına 300 min manat, Azərbaycan Memarlar İttifaqına 250 min manat, Azərbaycan Teatr Xadimləri İttifaqına 250  min manat və Azərbaycan Aşıqlar Birliyinə 250 min manat ayrılıb.

Maliyyə Nazirliyinə bu sərəncamda göstərilən məbləğdə maliyyələşməni təmin etmək, Nazirlər Kabinetinə bu sərəncamdan irəli gələn məsələləri həll etmək tapşırılıb.