"Bütün məsuliyyəti şəxsən Paşinyanın üzərinə düşəcək"

12 Sentyabr, 2018 14:15 | Siyasət | Baxış sayı: 107
ATƏT-in baş katibi
ATƏT-in baş katibi

ATƏT sədri ilə görüşən prezident İlham Əliyevdən xəbərdarlıq

"Azərbaycanın işğal edilmiş rayonlarının guya qondarma “Dağlıq Qarabağ Respublikası”nın tərkib hissəsi olması kimi bəyanatları da Azərbaycan qətiyyətlə rədd edir və Azərbaycan ATƏT-i bu təhlükəli bəyanatlara reaksiya verməyə çağırır. Ümumiyyətlə, Azərbaycan tərəfində belə bir qənaət yaranıb ki, Paşinyan hər vasitə ilə danışıqlar prosesini pozmağa çalışır. Belə olan təqdirdə bunun bütün məsuliyyəti Ermənistan tərəfinin və şəxsən Paşinyanın üzərinə düşəcək".

Bunu ATƏT-in baş katibi Tomas Qremingerlə görüş zamanı Azərbaycan prezidenti İlham Əliyev deyib. Səfər zamanı müzakirə ediləsi məsələlərin gündəliyinin geniş olduğunu deyən dövlət başçısı bildirib ki, əsas məsələlərdən biri Ermənistan-Azərbaycan Dağlıq Qarabağ münaqişəsinin həlli ilə bağlıdır. Bu baxımdan, Prezident İlham Əliyev qeyd edib ki, Ermənistanın yeni baş nazirinin fəaliyyətə başladığı ilk günlərdən münaqişənin həlli ilə əlaqədar verdiyi ziddiyyətli bəyanatlar ən azı təəccüb doğurur. Xüsusilə “Azərbaycan qondarma “Dağlıq Qarabağ Respublikası” ilə danışıqlar aparmalıdır” tezisi qəbuledilməzdir. Bu, onu göstərir ki, Ermənistan rəhbərliyi danışıqları pozmaq istəyir.

Prezident İlham Əliyev Ermənistanda demokratiya adı altında insan haqlarının kütləvi şəkildə pozulması hallarına, Ermənistanın baş naziri tərəfindən siyasi rəqiblərinin həbsi haqqında verdiyi göstərişlərə, Ermənistanda yeni diktatura rejiminin yaranmasına ATƏT-in biganə qalmaması ilə bağlı müraciət edib.

Söhbət zamanı regional təhlükəsizlik, demokratik inkişaf, nəqliyyat, iqtisadi əməkdaşlıq ilə bağlı məsələlər ətrafında fikir mübadiləsi aparılıb.

Saat 11:42

ATƏT-in baş katibinin Azərbaycana səfəri başlayaıb. Bu gün prezidenti İlham Əliyev Tomas Qremingeri qəbul edib.

Qeyd eədk ki, qonaq bu gün bır sıra rəsmi görüşlər keçirəcək.Baş katib Azərbaycanla ATƏT arasında əməkdaşlıq məsələlərini müzakirə edəcək.

T.Qreminger həmçinin ADA Universitetində mühazirə oxuyacaq.