Ermənistan Naxçıvan cəbhəsində atəşkəsi pozub, düşmənə qarşı cavab tədbirləri görülür

12 Mart, 2020 17:16 | Siyasət | Baxış sayı: 614
Müdafiə Nazirliyi
Müdafiə Nazirliyi

Mövqelərimiz iriçaplı pulemyot və snayper tüfənglərindən intensiv atəşə məruz qalıb

Martın 12-i səhər saatlarından Ermənistan silahlı qüvvələrinin bölmələri Əlahiddə Ümumqoşun Ordunun mövqelərini atəşə tutmaqla atəşkəs rejimini kobud şəkildə pozub.

İstiPressBu barədə Müdafiə Nazirliyindən məlumat verilib.

Əsasən düşmənin Ararat rayonu ərazisindəki Tejqar və Bağarsıq dağlarının ətəklərində yerləşən mövqelərindən qarşı tərəfdə yerləşən Əlahiddə Ümumqoşun Ordunun mövqeləri iriçaplı pulemyot və snayper tüfənglərindən intensiv atəşə məruz qalıb.

Əlahiddə Ümumqoşun Ordunun şəxsi heyəti tərəfindən qətiyyətli cavab tədbirləri görülür və atəşkəs rejiminin pozulmasının fəsadları araşdırılır.

Hazırda əməliyyat şəraiti qoşunlarımızın nəzarəti altındadır.