İlham Əliyev Putinə başsağlığı verdi

12 Fevral, 2018 10:20 | Siyasət | Baxış sayı: 34
Qəza baş verən ərazidə axtarış
Qəza baş verən ərazidə axtarış

"Ttəyyarə qəzası barədə xəbər məni dərindən sarsıtdı"

Azərbaycan Prezidenti İlham Əliyev Rusiya Prezidenti Vladimir Putinə başsağlığı məktubu göndərib. İstiPress-in məlumatına görə, məktubda dövlət başçısı Moskva ətrafında baş vermiş və çoxsaylı insan tələfatına səbəb olmuş təyyarə qəzası barədə xəbərin onu dərindən sarsıtdığını bildirib.

Prezident İlham Əliyev Prezident Vladimir Putinə, həlak olanların doğmalarına və yaxınlarına, bütün Rusiya xalqına Azərbaycan xalqı adından və şəxsən öz adından dərin hüznlə başsağlığı verib.

Xatırladaq ki, qəza Moskva vilayətinin Voskresenski rayonunun Arqunovo kəndi ərazisində baş verib. Göyərtəsində 65 sərnişin və 6 heyət üzvünün olduğu təyyarə Moskvanın Domodedovo aeroportundan havaya qalxdıqdan bir neçə sonra radarlardan itib. Təyyarə Moskvadan Orenburq vilayətinin Orsk şəhərinə uçurmuş. Təyyarədə olanların hamısı ölüb. Onların arasında azərbaycanlı da var. Namiq Qəhrəmanov Rusiyada sahibkarlıq fəaliyyəti ilə məşğul olub.