Nazarbayev Polad Bülbüloğluna məktub göndərdi

11 Sentyabr, 2019 09:11 | Siyasət | Baxış sayı: 22
Nursultan Nazarbayev
Nursultan Nazarbayev

"Dostluq münasibətlərinə verdiyiniz böyük şəxsi töhfənizi yüksək qiymətləndirirəm"

Qazaxıstanın birinci prezidenti- Elbası Nursultan Nazarbayev Azərbaycanın Rusiya Federasiyasındakı Fövqəladə və Səlahiyyətli Səfiri Polad Bülbüloğluna məktub ünvanlayıb.

Məktubda deyilir:

"Hörmətli Polad Bülbüloğlu,

Ünvanıma göndərdiyiniz isti məktub və xoş arzulara görə Sizə təşəkkür edirəm.

Sizin yaradıcı əməyinizi, səmərəli ictimai və dövlət fəaliyyətinizi, Qazaxıstan ilə Azərbaycan arasında ənənəvi dostluq münasibətlərinə verdiyiniz böyük şəxsi töhfənizi yüksək qiymətləndirirəm.

Əminəm ki, Sizin zəngin həyat və peşəkar təcrübəniz bundan sonra da bizim qardaş xalqlarımız arasında çoxtərəfli əlaqələrin möhkəmləndirilməsinə xidmət edəcəkdir.

Fürsətdən istifadə edərək, Sizə möhkəm can sağlığı, əmin-amanlıq və gələcək fəaliyyətinizdə uğurlar arzulayıram".