ABŞ Rusiya təyyarələrini istəyir

10 Sentyabr, 2018 12:33 | Siyasət | Baxış sayı: 112
Təyyarə-amfibiya "Be-200 ÇS"
Təyyarə-amfibiya "Be-200 ÇS"

10 təyyarə üçün sifariş verilib

Amerika sanksiyalara məruz qoyduğu Rusiyadan təyyarə alacaq. Bu barədə Rusiya mətbuatı məlumat yayıb. ABŞ-ın "Seaplane Global Air Services" şirkəti 10 təyyarə-amfibiya "Be-200 ÇS" sifariş verib. Bu barədə Q.M.Beriyev adına Taqanqorski elmi-texniki aviasiya kompleksindən məlumat verilib. 

Təyyarələrdən ikisi "D-436TP" mühərriki ilə təhciz ediləcək. Qalanları isə Rusiya-Fransa istehsalı mühərriklə - "SaM146" ilə uçacaq. 

Amerika şirkəti bildirib ki, adıçəkilən zavodun təyyarələri onlara meşə yanğınları ilə mübarizə üçün lazımdır. Çünki onlar sürət, yükqaldırma və məsafə baxımından rəqiblərini çox qabaqlayırlar.