Müdafiə Nazirliyi poliqon faciəsinə görə Rusiyaya başsağlığı verdi

10 Avqust, 2019 10:01 | Siyasət | Baxış sayı: 58
Rusiya FHN
Rusiya FHN

"Baş vermiş faciədən Sizinlə birlikdə kədərlənirik”

Azərbaycan Respublikasının Müdafiə naziri general-polkovnik Zakir Həsənov Rusiya Federasiyasının Müdafiə naziri ordu generalı Sergey Şoyquya başsağlığı ünvanlayıb.

Başsağlığında deyilir: “Arxangelsk vilayətində yerləşən hərbi poliqonda baş vermiş hadisə nəticəsində “Rosatom” şirkətinin əməkdaşlarının faciəvi şəkildə həlak olması barədə xəbər məni dərindən sarsıtdı.

Azərbaycan Ordusunun şəxsi heyəti adından və şəxsən öz adımdan həlak olanların ailələrinə, doğmalarına və yaxınlarına dərin hüznlə başsağlığı verir, xəsarət alanlara tezliklə sağalmalarını diləyirəm.
Baş vermiş faciədən Sizinlə birlikdə kədərlənirik”.

Xatırladaq ki, partlayış nəticəsində 11 nəfər yaralanıb. "Rosatom" beş əməkdaşının hadisə nəticəsində öldüyünü də bildirib.