Qarabağ üçün əsas gün - Moskvada danışıqlar başlayır

07 İyun, 2018 09:15 | Siyasət | Baxış sayı: 110
Dağlıq Qarabağ
Dağlıq Qarabağ

Rusiya və Ermənistan XİN başçıları görüşəcək

Rusiyanın xarici işlər naziri Sergey Lavrov Moskvada Ermənistanın XİN rəhbəri Zoqrab Mnaçakanyanla görüşəcək. Görüşdə ikitərəli münasibətləri və Dağlıq Qarabağ münaqişəsini müzakirə edəcək.

"Ermənistanın baş naziri Nikol Paşinyanla Rusiya prezidenti Vladimir Putinin mayın 14-də Soçidə keçirilmiş görüşləri kontekstində ikitərəfli əməkdaşlıq məsələlərinin geniş dairəsini müzakirə etmək nəzərdə tutulur. Dağlıq Qarabağ münaqişəsinin nizamlanması məsələləri üzrə fikir mübadiləsi aparılacaq", - deyə Rusiya Xarici İşlər Nazirliyinin İnformasiya və Mətbuat Departamentinin direktor müavini Artyom Kojin bildirib.

Xatırladaq ki, bu, Ermənistanda hökumət dəyişikliyindən sonra yeni XİN rəhbərinin Rusiyaya ilk səfəridir.

Mnaçakanyan bu postda Edvard Nalbandyanı əvəz edir.