Alman məmur azərbaycanlı ailəyə görə istefa verir

05 Noyabr, 2019 14:39 | Siyasət | Baxış sayı: 133
Almaniyada miqrant düşərgəsi
Almaniyada miqrant düşərgəsi

"İnsanlara əşyalarını yığmağa vaxt verilmədi, hətta mobil telefon götürmələri də qadağan edildi".

Gessen federal əyalətindəki Lautertal kommunasının inteqrasiya zabiti Bernd Wiklyayn Almaniya hakimiyyət orqanlarının azərbaycanlı ailəni deportasiya etdiyinə görə istefa vermək istəyir.

İstiPress-in məlumatına görə, bu barədə alman nəşri "inFranken.de" xəbər yayıb.

Almaniyalı məmur nəşrə, Azərbaycandan gələn və özünün beş ildən çox qayğı göstərdiyi bir ailədən danışıb.

“Valideynlər və xüsusilə ömrünün yarısından çoxunu burada yaşayan uşaqlar alman cəmiyyətinə çox yaxşı inteqrasiya etdilər. Valideynlərə iş vəd edildi. Ancaq burada işləmələrinə icazə verilmədi”,- deyə Bernd Wiklyayn bildirib.

Bernd Wiklyayn ürəkağrısı ilə nəşrə həmin azərbaycanlı ailəsinin deportasiyasının necə həyata keçirildiyini də nəql edib.

“Səhər saat beşdə bu ailənin yaşadığı mənzilin qapısında polis peyda oldu. İnsanlara əşyalarını yığmağa vaxt verilmədi, hətta mobil telefon götürmələri də qadağan edildi. Onları helikopterlə Nürnberqə apardılar, oradan isə təyyarə ilə Azərbaycana göndərdilər”,-deyə məmur vurğulayıb.

Nəşrin məlumatına görə, bu hadisədən sonra İnteqrasiya üzrə rayon şurasının zabiti Bernd Wiklyayn vəzifəsindən istefa vermək istədiyini açıqlayıb.