Pakistanın briqada generalı Bakıya gəlib

02 Oktyabr, 2018 19:39 | Siyasət | Baxış sayı: 57

Tərəflər mənəvi-psixoloji hazırlıq və s.-lə əlaqədar fikir mübadiləsi aparıblar

Azərbaycan-Pakistan İşçi qrupu səviyyəli görüşün Protokoluna əsasən, Pakistan İslam Respublikası Silahlı Qüvvələrinin nümayəndə heyəti Bakıda təşkil olunan “Psixoloji hazırlıq və ictimaiyyətlə əlaqələr üzrə təcrübə mübadiləsi”ndə iştirak edir.

İstiPress Müdafiə Nazirliyinin saytına istinadən bildirir ki, oktyabrın 2-də Müdafiə nazirinin şəxsi heyət üzrə müavini, Şəxsi Heyət Baş İdarəsinin rəisi general-leytenant Kərim Vəliyev briqada generalı Reyhan Naimin rəhbərlik etdiyi Pakistan nümayəndə heyəti ilə görüşüb. Tərəflər hərbi əməkdaşlığın hazırkı vəziyyətini müzakirə edib, mənəvi-psixoloji hazırlıq və ictimaiyyətlə əlaqələr üzrə hər iki ölkə ordusunda aparılan işlər barədə fikir mübadiləsi aparıblar.

Sonra hər iki tərəf mövzu barədə brifinqlər təqdim edib, fikir mübadiləsi aparıb və görüş iştirakçılarının suallarını cavablandırıblar.

Səfər oktyabrın 4-dək davam edəcək.