Vergilər Nazirliyi ilə bağlı ciddi dəyişikliklər oldu

24 İyul, 2019 19:32 | İqtisadiyyat | Baxış sayı: 132
Vergilər Nazirliyinin binası
Vergilər Nazirliyinin binası

Prezident İlham Əliyev sərəncam verdi

Vergilər Nazirliyində departamentlər ləğv edilib, yerində isə baş idarələr yaradılıb. 

İstiPress-in məlumatına görə, bu, Prezident İlham Əliyevin imzaladığı sərəncamda öz əksini tapıb.

Prezidentin sərəncamı ilə həmçinin yeni Aksizli və Markalanmalı Malların Dövriyyəsinə Nəzarət Baş İdarəsi yaradılıb.

Beləliklə, sərəncamla “Azərbaycan Respublikası Vergilər Nazirliyinin strukturu” aşağıdakı kimi təsdiqlənib:

1. Vergilər Nazirliyinin Aparatı (baş idarələr, idarələr, şöbələr və bölmələr).

2. Vergilər Nazirliyinin strukturuna daxil olan qurumlar:

2.1. Milli Gəlirlər Baş İdarəsi;

2.2. Vergi Cinayətlərinin İbtidai Araşdırılması Baş İdarəsi;

2.3. İdxal-İxrac Əməliyyatları üzrə Nəzarət Baş İdarəsi;

2.4. Aksizli və Markalanmalı Malların Dövriyyəsinə Nəzarət Baş İdarəsi;

2.5. Bakı şəhəri Lokal Gəlirlər Baş İdarəsi;

2.6. Bakı şəhəri Kiçik Sahibkarlıqla İş üzrə Baş İdarə;

2.7. Çağrı Mərkəzi (baş idarə səlahiyyətli);

2.8. yerli bölmələr (baş idarələr, idarələr və şöbələr).