Azərbaycandan AB-yə ixrac MDB-yə ixracı 5 dəfə üstələyir

19 Avqust, 2020 11:32 | İqtisadiyyat | Baxış sayı: 22
Bakı - Tbilisi - Ceyhan neft kəməri - Avropaya əsas ixrac xətti
Bakı - Tbilisi - Ceyhan neft kəməri - Avropaya əsas ixrac xətti

Azərbaycan mallarının əsas ixrac bazarı ölkədən ixrac olunan bütün məhsulların yarısının satıldığı  Avropa Birliyi ölkələri olaraq qalır.

İstiPress-in Azərbaycan Dövlət Gömrük Komitəsindən əldə etdiyi məlumata görə, bu ilin yanvar-iyul aylarında  Avropa Birliyi ölkələrinə 4,561 milyard dollarlaq  məhsul göndərilib ki, bu da ümumi ixracın 49,9 faizini təşkil edib.

Bununla yanaşı, Azərbaycan MDB ölkələrinə cəmi 809,9 milyon dollarlıq məhsul ixrac edib ki, bu da ümumi ixracın 8,9 faizini təşkil edir. Qalan 3,759 milyard dollarlıq ixrac digər ölkələrin payına düşür.

Beləliklə, Azərbaycandan AB ölkələrinə ixrac MDB ölkələrinə ixracı beş dəfədən çox üstələyir.