Prezident çörəklə bağlı qərar verdi

19 Aprel, 2019 08:43 | İqtisadiyyat | Baxış sayı: 138
Çörək
Çörək

Bu məhsullar daha 1 il vergidən azad olunacaq

Azərbaycan Prezidenti İlham Əliyev çörəyə tətbiq olunan vergi güzəştinin müddətinin uzadılması ilə bağlı Vergi Məcəlləsində dəyişiklik edilməsi haqqında qanunu imzalayıb. 

Dəyişikliyə əsasən, Azərbaycanda buğdanın idxalı və satışı, buğda ununun və çörəyin istehsalı və satışı daha 1 il vergidən azad olunacaq. Yəni vergidən azadetmə 2020-ci ili də əhatə edəcək. Bu güzəşt 2017-ci ildən tətbiq edilir.

Güzəştlər kəpəyin istehsalı və satışına da aiddir. Belə ki, Məcəllənin 164-cü (Vergi ödəməkdən azad edilmə) maddəsinə də "kəpəyin istehsalı və satışı - 2019-cu il martın 1-dən 2 il müddətinə" sözləri əlavə olunub.