Mərkəzi Bank 7.5 milyardı hara xərcləyəcək?

19 Yanvar, 2017 16:16 | İqtisadiyyat | Baxış sayı: 69
Azərbaycan Mərkəzi Bankı
Azərbaycan Mərkəzi Bankı

AMB-nin İdarə Heyəti sədrinin müavini Aftandil Babayev açıqlama verdi

Azəbaycan Mərkəzi Bankı Azərbaycan Respublikası Dövlət Neft Fondundan alacağı 7,5 mlrd. manatlıq transfertin xərclənmə istiqamətlərini açıqlayıb.

"Azərbaycan Dövlət Neft Fondu (ARDNF) tərəfindən bu il Azərbaycan Mərkəzi Bankına (AMB) nəzərdə tutulan 7,5 mlrd. manatadək məbləğdə transfertin həyata keçirilməsi böyük makroiqtisadi sabitlik üçün prezident İlham Əliyevin verdiyi dəstəkdir". İstiPress-in məlumatına görə, bunu "APA-Economics"ə açıqlamasında AMB-nin İdarə Heyəti sədrinin müavini Aftandil Babayev bildirib.

"Biz uzun müddət Maliyyə Sabitliyi Şurası çərçivəsində əlaqədar iqtisadi qurumlarla geniş müzakirələr nəticəsində bütövlükdə bankın qlobal tarazlaşması amillərini təhlil etmişik. Bunlardan ən mühüm məqam odur ki, dövlətin il üzrə xarici borcları, TANAP layihəsinin maliyyələşdirilməsi, Azərbaycan Beynəlxalq Bankının sağlamlaşdırılması və il üzrə bankın xarici borc öhdəliklərinin tənzimlənməsi, o cümlədən ehtiyac yaranarsa Əmanətlərin Sığortalanması Fonduna vəsaitin ayrılması da hərrac vasitəsilə deyil, məhz transfert hesabına baş tutacaq. Bütün bu faktorlar ona yönəlir ki, fiksə olunmuş bu öhdəliklər valyuta bazarına təzyiqi neytrallaşdırsın. Bu isə məzənnənin bazar prinsipləri əsasında və böyük volatillik olmadan formalaşmasına şərait yaradacaq", - deyə sədr müavini qeyd edib.