Azərbaycanda ən çox pul qazanılan peşə

15 Yanvar, 2017 20:54 | İqtisadiyyat | Baxış sayı: 416
Azərbaycan manatı
Azərbaycan manatı

Azərbaycanda muzdla işləyənlərin ən çoxu təhsil sektorunda çalışır. İstiPress-in məlumatına görə, bu barədə Dövlət Statistika Komitəsi xəbər verib. 

Məlumara görə, 2016-cı il dekabrın 1 - ə ölkə iqtisadiyyatında muzdla çalışan işçilərin sayı 1514,4 min nəfər olub. Onlardan 889,5 min nəfəri iqtisadiyyatın dövlət sektorunda, 624,9 min nəfəri isə qeyri-dövlət sektorunda fəaliyyət göstərib.

Dövlət Statistika Komitəsi  məlumat verir ki, muzdla işləyənlərin 22,2 faizi təhsil, 19,2 faizi ticarət, nəqliyyat vasitələrinin təmiri, 13,0 faizi sənaye, 8,8 faizi əhaliyə səhiyyə və sosial xidmətlərin göstərilməsi, 7,1 faizi dövlət idarəetməsi və müdafiə; sosial təminat, 6,0 faizi tikinti, 4,6 faizi nəqliyyat və anbar təsərrüfatı, 3,6 faizi peşə, elmi və texniki fəaliyyət, 3,1 faizi kənd təsərrüfatı, meşə təsərrüfatı və balıqçılıq, 1,7 faizi maliyyə və sığorta fəaliyyəti, 10,7 faizi isə iqtisadiyyatın digər sahələrində məşğul olmuşlar.

2016-cı ilin yanvar-noyabr aylarında ölkə iqtisadiyyatında muzdla çalışan işçilərin orta aylıq nominal əmək haqqı əvvəlki ilin müvafiq dövrünə nisbətən 7,0 faiz artaraq 494,3 manat olub. İqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, tikinti, eləcə də informasiya və rabitə sahələrində orta aylıq nominal əmək haqqı daha yüksək olub.