Azərbaycandan Rusiyaya aparılan pomidorlarda xəstəlik aşkar edilib

10 Dekabr, 2018 15:19 | İqtisadiyyat | Baxış sayı: 110
İxrac üçün nəzərdə tutulan pomidorlar
İxrac üçün nəzərdə tutulan pomidorlar

Rusiyanın Baytarlıq və Fitosanitar Nəzarət üzrə Federal Xidməti açıqlama yayıb

Rusiyanın Baytarlıq və Fitosanitar Nəzarət üzrə Federal Xidmətinin əməkdaşları Azərbaycandan bu ölkəyə aparılan pomidorlarda Cənubi Amerika mənşəli tomat güvəsi xəstəliyi aşkar ediblər.

İstiPress-in məlumatına görə, fakt ölkədə ilk dəfə olaraq Tomsk vilayətinin ərazisində qeydə alınıb. 

Qurumun məlumatında deyilir ki, Ümumrusiya Bitkilərin Karantini Mərkəzinin Federal Dövlət Büdcə Təşkilatının Tomsk filialının qərarına əsasən, qeyd edilən məhsullarda canlı sürfələr aşkar edilib.  Mütəxəssislər bildirib ki, Cənubi Amerika mənşəli tomat güvəsi əsasən məhz pomidorlara yoluxur. Onun sürfələri bitkinin yaşıl hissəsinin yumşaq toxumaları ilə qidalanır, yarpaqları yeyərək, sonda ancaq şəffaf qabıq saxlayırlar. Bundan sonra zədələnmiş məhsul satış və istifadə üçün yararsız sayılır.

Qeyd edək ki, 120 kiloqram həcmində belə məhsul bərk məişət tullantıları poliqonunda məhv edilib.