Valyutadəyişmə məntəqələri qayıdır

09 Oktyabr, 2018 14:16 | İqtisadiyyat | Baxış sayı: 90
Valyutadəyişmə məntəqəsi
Valyutadəyişmə məntəqəsi

5 oktyabrdan artıq bəzi məntəqələrə lisenziya verilib

Maliyyə Bazarlarına Nəzarət Palatası (MBNP) Azərbaycanda valyutadəyişmə məntəqələrinin açılmasına yaşıl işıq yandırıb. Milli Məclisin deputatı Vahid Əhmədovгт sözlərinə görə, MBNP 5 oktyabrdan artıq bəzi məntəqələrə lisenziya verib.

Xatırladaq ki, manatın devalvasiyasından sonra valyutanın qeyri-leqal alqı-satqısı ilə mübarizə üçün Azərbaycanda mübadilə məntəqələri bağlanmışdı. Valyutadəyişmə məntəqələrinin yenidən qayıtması Rüfət Aslanlının Maliyyə Bazarlarına Nəzarət Palatasının rəhbərliyindən getməsi ilə eyni vaxta təsadüf edir.

Onu da xatırladaq ki, 2016-cı ilin yanvarından Azərbaycanda valyuta mübadiləsi məntəqələri yalnız bankların və poçt bölmələrinin nəzdində fəaliyyət göstərə bilərdilər.

Qaydalara əsasən, xarici valyutanın mübadiləsi vaxtı 500 və daha çox məbləğdə dollar satan, eləcə də 10 min və daha çox məbləğdə dollar alan fiziki şəxslər məcburi surətdə şəxsiyyət vəsiqəsi təqdim etməlidirlər.