Şəhriyar Məmmədyarov dünya ikincisi kimi yerini qorudu

31 Mart, 2018 15:36 | İdman | Baxış sayı: 91
Şəhriyar Məmmədyarov - beynəlxalq  qrossmeyster
Şəhriyar Məmmədyarov - beynəlxalq qrossmeyster

Beynəlxalq Şahmat Federasiyası (FİDE) 2018-ci ilin aprel ayı üçün yeni reytinq siyahısını açıqlayıb.

İstiPress-in məlumatına görə, azərbaycanlı qrossmeyster Şəhriyar Məmmədyarov 2814 xalla ikinci pillədəki mövqeyini qoruyub.

33 yaşlı şahmatçı birinci pillədə qərarlaşan Maqnus Karlsendən 29 xal geri qalır. İddiaçılar turnirinin qalibi amerikalı Fabiano Karuana isə 3-cü yerdədir.

Azərbaycanın digər təmsilçilərinə gəldikdə isə Teymur Rəcəbov 18-ci, Rauf Məmmədov 38-ci və Arkadi Naydiç 44-cüdür.