Fransız futbolçu Bakıda rekorda vurdu

30 May, 2019 08:59 | İdman | Baxış sayı: 50
Oliviye Jiru
Oliviye Jiru

Oliviye Jiru ən çox qol vuran fransız futbolçu adını qazanıb

“Çelsi” klubunun hücumçusu Oliviye Jiru UEFA Avropa Liqasının Bakıda təşkil olunan final oyununda fərqlənib.

Fransalı futbolçu “Arsenal”a qarşı keçirilən görüşün 49-cu dəqiqəsində rəqib qapısına yol tapıb və bu, onun cari mövsümdə 11-ci qolu olub. Bu göstərici ilə O.Jiru bir avrokubok mövsümündə ən çox qol vuran fransız futbolçu adını qazanıb.

Əvvəllər rekord Jyust Fontenə məxsus olub. Belə ki, “Reyms” klubunun futbolçusu 1958-1959-cu il mövsümündə 10 qol vurub.

Qeyd edək ki, Bakıda təşkil olunan görüşdə “Çelsi” komandası “Arsenal”ı 4:1 hesabı ilə məğlub edərək UEFA Avropa Liqasının 2018-2019-cu il mövsümünün qalibi olub.